Имам Шамилил мемориал къачIана

Гьаб видео бахъана 4 февралалда МахIачхъалаялда имам Шамилил къватIалъул байбихьуда бугеб мемориал къачIалеб мехалда. Гьебго къоялда хIалтIи рагIалде бахъана. Гьеб кколин Москваялдаса блогер Илья Варламовас МахIачхъала какиялъул хIасилин, рикIкIунеб буго социалиял интернет-сурсатаздаса пайда босулезул гIемерисез. МахIачхъалаялъул мэриялъул пресс-хъулухъалъул вакил Зайнаб ГIалимирзаевалъ лъазабуна, хасаб планалда мемориалалъул реконструкция хурхинабун букIанин имам Шамиль хун 144 сон тIубаялъул датаялдайин.